Hum mein se bahut se logon ko yeh galat fehmi hoti hai,ki interview ka results sirf humare question answers par depend karta hai. Lekin ye bilkul galat hai.

Humare interview ka results kai pehluon par depend rehta hai. Interviewer sirf humare answers ke basis par nahi; humare attitude, expressions aur confidence par humein judge karte hain.

Agar humein interview mein apna selection lena hai to niche diye hue tips ko padhne aur yaad rakhne ki zaroorat hai: 

• Company ki websites se lekar uske social media handles tak, sabhi ki complete research karke unka notes banana, humare lite useful ho sakta hai.                     

• Humein kabhi bhi second chance nahi milega,apna first impression banane ke liye. Isliye ‘yahi wo time hai khud ko prove karne ka’ wala attitude humein apne saath banaye rakhna chahiye.              

• Humesha company ke previous aur current employee se interact karke unde advice zarur leni chahiye. Iske liye aaj ke time par LinkedIn hamare liye sabse best platform hai.                                              

• Covid ke time par maximum interviews ko online/telephonic format mein shift kar diya gaya hai. Iske liye bhi humein pehle se prepare rehne ki zaroorat hai.      

• Telephonic interview ke time par humein hamesha ek shaant jagah ko select karna chahiye. Ismein agar hum apni sabhi relevant details aur documents ko apne saamne rakhenge to ye humare liye ekdum convenient ho jayega aur humse koi details miss nahi hogi.                                                                       

• Agar humara interview zoom/meet/skype par schedule hua hai, to uske liye bhi humein ek peaceful environment ki zaroorat hai. Video interview ke liye humein properly dress-up hokar aur confidence ke saath interview attain karna chahiye.                   

  👉👉  Interview mein agar koi galti nahi chahte, to ye video dekhna bahut zaruri hai!

        

• Interview mein appear hone se pehle humein is baat par zarur vichaar karna hoga ki hum kis tarah se is job ke liye perfect fit hain. Jab bhi interviewer humse ye question puche, “Why should we hire you?” To humein us questions ka answer bilkul Josh ke saath aur confidence se dena hai.                                    

• Interview mein appear hone ke 2-3 din pehle se hi humein kai mock interview ka preparation karna chahiye. Ye humein aur confident aur well- prepared banata hai. 

• Sabhi documents ko carry karna humein bhulna nahi chahiye, har documents ki 1-2 xerox copy bhi humare paas emergency case ke liye available rehni chahiye. Ghar se nikalne se pehle sabhi documents ko ek baar humein recheck zarur karna chahiye.                                         

• Interview ke liye pehne jaane waale dress se lekar shoes tak, humein interviewer ke saamne khud ko organized show karna hoga.                                                          

• Apne liye humein ek interview cheat sheet zarur banani chahiye. Is sheet mein saari zaruri details ko bullet points ki tarah likhne par humse koi details miss nahi hogi aur hum apne questions aur answers ko revise kar sakenge. Is sheet ko humein interview ke din morning mein ek baar zarur padhna chahiye.                                                                

• Interview ke ek din pehle humein ek achhi neend leni bahut zaruri hai. Neend puri na hone par hamara tired appearance humare liye accha point nahi hai. 

Humne Kya Seekha?

Job ke liye apply karna aur interview ke liye call receive karne tak hi humari journey nahi hoti. Interview ke liye jaana aur uske liye preparation jitni zaruri hai utna hi zaruri hai ki hum apni personal grooming par bhi dhyaan de. Upar jo bhi tips mention kiye gaye hain, humare liye sabse zaruri hai ki hum un tips par amal karein aur unhen apne preparation mein shaamil karein. 

👉👉 Interview se jude aur bhi details ke liye yahan click karein 👇👇