Kya hum apni new job ke liye bilkul taiyar hain? Agar hamara jawab “YES” hai to humare ‘Job Ready Skills’ kya hain? 

Yaha hum ye jaanenge ki wo kaun kaun se skills hain, jinhen hum Job Ready Skills ki series mein rakhte hain. 

Ek research mein ye baat pata chali hai ki, kisi bhi entry level ki job ka 85% successful hona job ready skills par hi depend karta hai.  Isliye hum sabhi ko sahi maayne mein employable hone ke liye inn skills ko develop karna compulsory hai.

Entry level job ke liye required Job ready skills:

1. Professionalism:

College khatam karne ke turant baad job karna koi easy task nahi hai. Humein ye prove karna hota hai ki hum responsible hain, dusron ke saath achhe relations bana sakte hain, projects ko achhe tarike se manage kar sakte hain, self control ko show kar sakte hain aur time management ko prove kar sakte hain.

2. Learning Skills:

Koi bhi recruiters humein tabhi hire karna chahenge jab hum new skills, new things ko seekhne ke liye hamesha ready aur curious rahen. Hum khud ko latest technology se kis tarike se up-to-date rakhte hain aur hum sabhi new marketing strategies ke liye kis tarah up-to-date rehte hain, ye sabhi baatein kaam ke liye humare dedication ko show karti hain. Ye qualities sabhi recruiters ko zyaada attract karti hain.

3. Communication Skills:

Agar hum 21st century ki baat karein to effective aur efficient tarike se communicate karna, sabse zaroori skills mein se ek hai. Managers/Recruiters humein tabhi priority dete hain jab hum har level ke logon se comfortably communicate kar sakein.

Is digital age mein humare liye ye bhi zaroori hai ki hum various electronic devices ke through knowledge aur information ko share kar sakein. 

4. Teamwork & Collaboration:

Aaj ke workforce mein team work aur collaboration bahot hi important skills hain.  Kai jobs mein humara joint effort aur cooperation sabse essential requirement hota hai. Hum mein  team player ki quality honi chahiye aur issues ko resolve karne ke liye different different solutions aur approaches ko adopt karne ki skills hona chahiye.

5.  Creative & Critical Thinking:

Kisi bhi entry level job mein agar apni ek alag pehchaan banani hai to uske liye humein traditional approach ko chhorkar apna ek different approach choose karne ki zaroorat hai. Ise hum Creative Thinking kehte hain. 

Lekin, jab humari kisi bhi problem/issues ko resolve karne ke liye use evaluate,investigate aur assess karne ki ability ko Critical Thinking kehte hain. Aajke workforce mein dono hi bahot zaruri hain. Isliye humein ye dono type ki thinking develop karni chahiye.

6. Organizational Skills:

Aaj kal is skill ki sabse adhik maang hai. Kyunki koi bhi organisation humein tabhi hire karna chahti hai jab humme time ke saath sabhi chijon ko manage karne ka skill ho.  Is skill mein mainly humari planning skills aur task ko prioritize karne ki capacity ko dekha jaata hai.

Conclusion:

Ye sabhi skills kisi bhi entry level ke job mein humare liye workplace ko ekdum interesting aur successful banane mein help karenge.  Ye sabhi bahot hi strong way mein advance mein hi  humein career choice mein help karte hain. Job ready skills  khud ko aur behtar banane ki prakriya hai, isliye aaj ke time mein humein ispar focus karne ki bahot zarurat hai. 

Communication kisi bhi Job ke liye zaruri skills mein se ek hai, Jaaniye kaise kar sakte hain is skill ko improve!

Hum sabhi mein kuch skills already inbuilt hote hain, jo humein ek-dusre se alag banate hain.

Hum in skills ko pehchan kar aur unhen achhe tarike se utilise karke humara contribution organization ke liye kar sakte hain. 

Job Ready Skills ki Digital Age mein Importance