Job Ready Skills Kya Hai?

Job Ready Skills ke baare mein janne se pehle kya hum nahi chahenge ki humare kuch mis – conception pehle clear ho? Chaliye dekhte hain- 

Kya sirf Education ya Training se hum job karne ke liye taiyar ho jaate hain?

Education aur Training humein kisi bhi job ke liye apply karne ke liye eligible to banate hain lekin agar humein diye jaa rahe sabhi job role mein successful banna hai aur behtar perform karna hai to uske liye jo sabse important aur zaroori skills hain, unhen hum JOB READY SKILLS  kehte hain. 

Ye skills humein time ke saath saath khud mein develop karne ki zaroorat hoti hai. 

Self – Evaluation:

Agar hum ye sawaal ka jawaab dhundhne ki koshish karein ki aakhir job ready skills kya hote hai, to iss par humara dimaag humein bahot tarah ke response deta hai.

Ye zaroori nahi ki wo responses galat ho, lekin wo sabhi responses limited zarur ho sakte hain. In limited responses ko samajh kar apne skill set ko self evaluate karke hum job ready skills ko aur behtar tarike se samajh sakte hain.

Kyuki, ek bahot hi famous kahawat hai : “Bina proper self evaluation ke failure compulsory hai..!”     Iske liye hum sab mein self evaluation ki quality honi chahiye.

Job Ready Skills se related key-points:- 

Job ready skills ko aur details mein jaanne aur samjhne ke liye humein niche diye hue points ko dhyaan se padhne aur yaad rakhne ki zaroorat hai: 

• Job ready skills generally wo skills hote hain jo koi bhi employers hamare andar commonly dhoondhte hain. 

• Ye skills har tarah ki job ke liye compulsory maane jaate hain.

•  Inhen kabhi kabhi hum samanya bhaasha mein Soft Skills ya Employibility Skills bhi kehte hain.

• Ye skills Technical aur Non-technical dono types ki job ke liye zaroori hai. 

• Job ready skills hamari strength, awareness aur area of growth ko show karti hai. 

• Inn skills ko behtar tarike se samajhna aur develop karna, humein personally aur professionally dono mein improve karne mein help karta hai. 

• Ye skills kisi ek job ke liye specific bhi ho sakte hain.

• Majorly, ye skills har tarah ke job aur employment sectors mein humein employable banate hain.

Conclusion:

 Job Ready Skills humare liye, humari personal development, professional development aur humari interpersonal skills ko aur adhik grow karne ke liye ek bahut hi khaas quality hai.

Ye skills hum practice ke saath saath apni personality ko samajhkar khud mein khud se hi develop kar sakte hain.

Jaaniye Job Ready Skills ki Importance Yahan Se