Video Resume Kyun Aur Kaise Banayen?
Hum hamesha se sunte aa rahe hain, “Humare action humare words se zyaada effective hote hain.” To kyun na hum ye property apni dream job paane mein use karein? Chaliye jaante hain, ki hum Video Resume jise hum normally Visume bhi kehte hain; kaise banate hain aur ye kyun zaruri hai.
Is competitive job market mein jahan anginat CV, Resume, Job Application, Mails daily companies mein bheje jate hain. To kyun na hum is bheed se nikal kar kuch aisa karein ki Recruiters/Hiring Managers paper ke peeche chhupe Real Person ko dekh sake.
Aisa karne ke liye sabse behtar tarika hai Video Resume yaani ki Visume.
Video Resume, general resume ke muqable humare hiring ke chances ko badha deta hai. Aisa isliye kyon ki ye recruiters ka time bachata hai aur unka hamari taraf attention badha deta hai.
Video Resume humare liye kyun zaruri hai?
Ab samay aa gaya hai ki hum apne general resume se hatkar Visume ki taraf badhe. Aur apni dream job paane ke safar ko aur bhi effective banaye.
- Personality ko highlight karta hai:
Video Resume hamari personality ko highlight karta hai aur humare confidence ko show karta hai. Aadhe se zyaada employer humare paper resume se hatkar humare Video Resume ko dekhna prefer karte hain. Kyuki ye unke liye process ko easy banata hai.
- First Impression:
Hum sabhi maante hain ki First Impression last impression hota hai. Lekin Video Resume, general resume ke muqable hamare First Impression ko behtar karne mein bahut helpful saabit hua hai. Kyuki jab tak hum apne Visume se satisfied nahi hai tab tak hum ise record aur re-record kar sakte hain. Isse humein apne next step mein bahut help milti hai kyuki hum Visume ke through already hi recruiters se virtually mil chuke hote hain.
- Tone of Talking ko moderate karne mein:
Jo details hum apne Resume mein mention karte hain use hum interpret nahi kar paate to ye samajhna bahut mushkil hai ki recruiters use kaise read karte hain. Video Resume hamari ismein bahut help karta hai kyuki iski help se hum apne skills, qualities etc ko ek behtar facial expressions ke saath bata sakte hain jo recruiters ka attention gain karne mein humari help karta hai.
JRT Dashboard par Video kaise Upload Karein?
Is Video mein hum seekhenge ki humein humara Video Resume JRT Dashboard par kaise upload karna hai.
Video Resume banane ki zaruri tips:
Job ke liye apply karna wo bhi Video Resume ke saath; humare hiring ke chances ko 60% – 70% tak badha deta hai. Isliye Video Resume banane se pehle in tips ko yaad rakhna hamare liye bahut zaroori hai. Chaliye dekhte hain unn tips ko:
- Sahi Jagah Ko Chune:
Kya hum aise videos dekhna pasand karenge jis mein background mein bahut noise ho, sound clear na ho? To aisa hi humein Visume banane se pehle bhi sochne ki zarurat hai. Humein Video Resume banane ke liye bilkul shant jagah ko select karna chahiye aur frame ko aise adjust karna chahiye jisme hum completely fit ho.
- Keep It Short:
Ek ideal Video Resume 60-90 seconds tak hona chahiye. Iske liye humein Visume ko concise karna bahut zaruri hai. Sirf zaroori details aur zaroori skills ko mention karna hi humari priority honi chahiye.
- Ask for Help:
Agar hamein video resume record karne mein problem aa rahi hai to hum apne doston ya family members ko bhi help ke liye bol sakte hain. Recording ke liye ya phir recording ke baad feedback ke liye hum apne doston ya family members se baat kar sakte hain. Isse humein Visume ko aur effective banane mein help milegi.
Video Resume banane se pehle ye pura blog padhna aur ye tutorial video dekhna bahut zaruri hai. Video Resume aaj ke time mein job market mein ek revolutionary change lekar aaya hai. Isliye humare liye bhi zaruri hai ki hum isko accept karke achhe se isko execute karein.
Demo Video Resume:
Video Resume aur usse judi sabhi basic jaankari humne jaan li hai, lekin JRT dashboard ke liye humara perfect Video Resume dikhega kaisa? Wo janne ke liye chaliye dekhte hain ye video aur banate hain apna Perfect Video Resume.
All the Best!!!